الطريقة الاولى: عن طريق ال Query:
نحدد البيانات اللي راح نسحبها في ال query نفسها ونحدد وين نبغى نسحب البيانات منه طبعا يكون عن طريق خاصية الـ Navigation

var ordersQuery = from contact in contacts

                      where contact.LastName == lastName

                      select new { LastName = contact.LastName, Orders = contact.SalesOrderHeaders };

غالبا ما تستخدم الطريقة هذي اذا كانت كمية البيانات اللي تبي تسحبها محددة وصغيرة.

الطريقة الثانية: سحب البيانات المباشر(Explicit Loading):
باستخدام الـ Load(). يعني لم تسوي Query ماراح تتنفذ ولا ينفتح الاتصال بقاعدة البيانات الا بعد ما تنادي Load() او تستخدم الكائن اللي بيكون معها النتيجة حقت الـquery هنا راح تتنفذ وتنسحب البيانات الخاصة فيها. وبكذا كل ما تبغى تسحب بيانات من جدول ثاني مربوط بنتيجة الـ query لازم تنادي Load()  الخاصة بالـ EntityRefrence للجدول وطبعا زي ما قلنا راح ينفتح اتصال مع قاعدة البيانات مره ثانية وتتنفذ ال query اللي بتضمن لك البيانات اللي انت طالبها.

var cutsomerQuery = (from cutsomer in Customer

                                     where customer.LastName == lastName

                         select customer).FirstOrDefault();

if(!cutsomerQuery.OrderRefrence.IsLoaded)

    cutsomerQuery.OrderRefrence.Load();

تستخدم هذي الطريقة لما ماتكون متاكد من حاجتك لبعض البيانات بناءا على حالة البيانات اللي سحبتها انت في الاول.

الطريقة الثالثة: سحب البيانات الكسول (Lazy Loading)(مدعوم في .NET Framework 4 ):
هذي الطريقة تفتح اتصال وتنفذ الـ queryكل مره تحاول تستخدم جدول من نتيجة الـ query  الاولى ويكون مو موجود راح ينفتح اتصال جديد مع قاعدة البيانات ويتنفذ الquery الجديد.
هذي الطريقة نفس طريقة النداء المباشر(في الاداء) بس بدون ما تنادي Load() لانه راح يتنادى عليها بطريقة غير مباشرة.
طبعا هذي الطريقة تكون غالبا غير مفعله فلازم تفعله قبل (Enable it).

الطريقة الرابعة: سحب البيانات المحدد(Eager Loading) :

هذي الطريقة قريبة من الطريقة الاولى بس الطريقة الاولى تحدد فيها أعمدة أو جداول وتتشكل في كائن جديد يكون مؤقت (var) هنا لا.. الجداول وعلاقاتها ببعض تبقى زي ما هي بس انت تحددها في الـquery  وراح تسحب معها الجداول اللي حددتها انت في الInclude(string TableName) 

Ex:

List<Customer> customers = db.Customer.Include(“Order”).ToList();

Ex:تقدر تسحب بيانات موجودة في جدول مربوط بجدول من الجداول اللي مربوطه بالنتيجة

List<Customer> customers= 
           db.Customer.Include(“Order.OrderDetail”).ToList();

Ex: وتقدر تسحب من اكثر من جدول في نفس الوقت

Product firstProduct = 
       db.Product.Include(“OrderDetail”).Include(“Supplier”).First();

هذي الطريقة تستخدم لما تكون كمية البيانات كبيرة وانت عارف وشي الجداول اللي تحتاجها قبل ما تسوي ال Query.

ملاحظات عامه:

-          في الطرق اللي احنا نحدد فيها الجداول  اللي نبغى نسحبها (سحب البيانات المحدد وسحبها من الـ query ) احنا قاعدين نعقد الـQuery وهي من الممكن انها تكون سهله. طبعا هذا بسبب انه راح يتنفذ اكثر من ربط(Join) للجداول مع بعض وغير ان هناك ممكن يكون بيانات متكرره بسبب هذا الربط. وطبعا التعقيد بيزيد لوكان هناك علاقة(many-to-many)

-          سحب البيانات المباشر والسحب الكسول يضمنون لنا ان الـquery  راح تكون سهله وبرضو ماراح تتنفذ او البيانات ماراح تسحب الا اذا احتجنا لها.

1.   فكرة عامة عن الأجيال السابقة

من اكبر التقاسيم التي تواجه العالم ليس العرق وليس الدين ولكن تقاسيم الأجيال هي الكبرى. وهذه بعض الاجيال السابقة:

-          الجيل البنَاء (Builders) 1926 – 1945

-          الجيل المتفجرون(Boomers)  1946 – 1964

-          الجيل X 1965 – 1980

2.   من الجيل Y؟

هم الاشخاص المولودون بين 1981 – 2000. أو جيل النت.

صفات الجيل Y

-          الجيل Y يفضلون الأخذ بالعرض الجيد الان عن الافضل غدا.

-          يعتمد هذا الجيل بشكل كبير على التوصيات الشخصية عندما يريدون اقتناء الاشياء عوضا عن الماركة او الشركة المصنعة.

-          يطالبون وبشدة لما يريدون ويستمرون في المطالبة الى ان يصلوا الى ما يريدون.

-          هذا الجيل يفضل الحرية المطلقة فهم يفضلون الخبرة على التعلم، فتنطبق عليهم المقولة بأن الناس تتشكل بخبراتهم لا بوالديهم.

-          يهتمون بالانشطة الاجتماعية عن الفردية. وبالاخص تلك التي تتضمن اشتراك اقرانهم فيها. فلا عجب ان يكون معظم المواقع الاجتامعية كـ Facebook Mark Elliot Zuckerberg – 1984)) من عمل الجيل Y .  

-          لاقرانهم التأثير الكبير عليهم فهم يهتمون بأرائهم ويناضلون لكي يكونوا عند حسن ظن اقرانهم بهم.

-          هذا الجيل يحتاج الى المرشد القدوة  ولكن بشروط ان يكون هذا الشخص من من يثقون فيه وان يرشدهم الى طريق قد سلكه هذا القائد بنفسه. فهم يعيشون في حالة اللاثقة بسبب تأثير الاعلانات الكاذبة عليهم فالشخص من هذا الجيل وبعمر الـ 18 يكون قد رأى ما يزيد عن 500000 اعلان بالاضافة الى تلك التي يراها في الانترنت وفي الشوارع والتي يسمعها في الاذاعات المختلفة.

-          لكي تتواصل معهم وبشكل فعال يجب ان تكون شخص صريح غير مخادع وان تتحدث بطبيعتك مبتعد عن كل ما هو زائف ومتصنع وان يكونوا هم محور التركيز فهم لا يهتمون بمدى علمك حتى يعلموا مدى اهتمامك.

الجيل Y  و الشركات

1.   كيف تتعامل الشركات معهم

-          منذ بدايت تقديمهم للشركات وطريقة التعامل تغيرت من “كيف تستطيع ان تخدم الشركة؟” الى “هذا ما تستطيع الشركة ان تقدم”.

-          تغيرت طريقة الادارة في الشركات لتلائم هذا الجيل، فعوضا عن الاسلوب القديم “اوامر-وادارة” (command-and-control) الى الادارة التعاونية.

-          وجدت الشركات انه من الاوفر للشركات ان تتغير لكي تستطيع ان تستوعب هذا الجيل.

-          الشركات يجب ان تقدم طريق مهني واضح وايضا ان تقدم فرص التنقل بين اقسام الشركات او التبادل بين الشركات الاخرى.

-          تنصح الشركات بان تعطي هذا الجيل تحديات جديدة ومهام صعبة وان لا يجعلوا العمر سببا يمنعهم من تقديم الفرص لهذا الجيل.

-          يفضل هذا الجيل بان يحصلوا على التوجيه المباشر والمكافأت الان بدلا من التقييم السنوي.

-          يطالب من الشركات بان يضيفوا المتعة والتغيير لبيئة عملهم لكي تستطيع ان تجاري عالمهم الذي عاشوا فيه (معدل خمسة ساعات يوميا ما بين التلفاز، الانترنت، والعاب الفيديو).

-          هذا الجيل لا يلقون الى المرتب الشهري الذي يستلمونه من الشركة بالا، فلقد صنفوه سادسا حسب الاهمية بعد كل من : التدريب، طريقة وطبيعة الادارة، المرونة في العمل، نشاطات الموظفين، المحفزات غير المالية.

2.   في العمل

-          الجيل Y يملك المعرفة على التي قد تساعد الشركات في التكينولوجيا والانترنت.

-          الشركات تفضل هذا الجيل لانهم بارعون في التعامل مع عدة امور في نفص الوقت.

-          وكذلك لانهم متلهفون لتجربة المناصب الجديدة وكذلك التنقل الى عدة اماكن ودول فهم يملكون روح المغامرة.

-          عندما يتم تهميلهم من الشركة سستفاجأ بهجومهم وانتقادهم لها من داخل و خارج الشركة (الانترنت).

-          هذا الجيل يتبعون قاعدة “كافأني الان، ومن ثم أعمل بجد”.

-          الجيل Y يرون ان العمر ليس حاجزا يمنعه من ان يتملك منصبا. فمثلا في سلسلة مطاعم ماكدونالدز يكون المدير لأي فرع من فروعهم لا يتجاوز الـ 25 عام.

-احرص على الاستعانة بأي ظروف مواتية وعناصر مساعدة٫ تقع خارج نطاق المألوف
-بناء على مدى توافق الظروف على المرء ان يعدل خططه
-القائد الذي يفوز في المعركة يقوم بعمل الكثير من الحسابات في مركز القيادة قبل بدء القتال. القائد الذي يخسر المعركة يقوم بعمل القليل من الحسابات سلفاً
-اذا طال امد حملتك العسكرية فموارد الدولة لن تواكب نزيف النفقات العسكرية
-التحام الجيشين يتسبب في ارتفاع اسعار السلع الداخلية مما يؤدي الى استنزاف ثروات الشعب
-هناك ثلاثة امور يجلب فيها القائد المحن الى جيشه:
١- اصدار امر للجيش بالتقدم او التقهقر٫ جاهلا حالته
٢- قيادة الجيش بذات الطريقة التي يحكم فيها البلد جاهلا الظروف التي يواجهها الجيش
٣- تعيين الضباط في جيشه دون تفرقه
- اذا كنت تعرف العدو وتعرف نفسك فلا حاجة بك للخوف من نتائج مائة معركة٫ واذا عرفت نفسك لا العدو فكل نصر تحرزه سيقابله هزيمة تلقاها٫ واذا كنت لا تعرف نفسك ولا العدو فستنهزم في كل معركة
-رؤية النصر حين يستطيع الرجل العادي رؤيته قادماً لا يعتبر تميز
-القائد الماهر يقف في مكان يستحيل هزيمته فيه وهو لا يضيع الفرصة السانحة لهزيمة العدو
-ليس هناك اكثر من خمس علامات موسيقية ورغم ذلك فان مزج هذه الخمسة ساعد على تأليف مالايمكن عده من القطع الموسيقية والألحان وبأكثر مما يمكن سماعه على الاطلاق
-المقاتل الباسل يكون رهيبا في هجومه متأنيا في اتخاذ قراره

هذي بعض النقاط اللي اعجبتني وغيرها كثير بس ما ابغى احرق عليكم الباقي اتمنى ان تستمتعوا بقرائته

تحميل كتاب فن الحرب

هذي الطريقة تعتبر افضل طريقة عشان تحسب قيمة من نفس الجدول وطبعا راح ابدا اشرح هذي الطريقة باستخدام المثال التالي:

عندك جدول (وراح ناخذ ابسط مثال) Visitor(ID, Count, Date) ولنفرض انك تبغى تحسب عدد الزوار لكل يوم واللي هو حيكون مجموع الزوار اليوم – مجموع زوار اليوم اللي قبله. وخلونا نفرض ان Count يكون دائما يزيد يعني لوكان اليوم 10 بكره لازم يكون اكبر من او يساوي 10.

وقبل ما نبدا بشرح هذي الطريقة فيه كم حاجه لازم تكون مسوية اول شي ID يكون هو Primary Key والشرط انه ما يكون Auto increment يعني لازم تدخل ID كل مره تسوي insert ويكون اكبر من اخر ID بواحد، ويمكن تسال ليه ما اخليه Auto increment ؟ لانه لو حاولت تسوي insert ولا نجحت راح يحسب ان ID انضاف واللي بعده راح يفرق عن اللي قبله باكثر من واحد.

هذي الطريقة تعتمد على Self-Join على نفس الجدول.. وقبل ما نبدا ونشوف Query خلونا نشوف الجدول حقنا والقيم اللي فيه

نكتب Query ونشرح عليها:

في البداية راح يتكون عندنا جدولين كالتالي:

وبعد ما سوينا Join بيكون بهالشكل:

نلاحظ اسمي الجداول باقية زي ماهي يعني Source باقي في نفس مكانه. وكل اللي في SELECT واللي في WHERE يتطبق على Source اللي تكون بعد Join

طبعا اللي بيقول وش الفايدة من هذي الطريقة؟؟ هي بالطبع افضل في الاداء من لو سوينا Curser وقعدنا نلف على كل Row لحاله وهذا راح يبين معك لو كانت Query على رقم كبير من Records

هذي 16 قاعدة ونظرية كتبها شخص أجنبي.. وحبيت أترجمها لما فيه من فايدة وطبعا أضفت عليها كم كلمة من عندي وسويت بحث على بعض المصطلحات العلمية أتمنى اني اكون وفقت في ذلك وان تعم الفائدة.

1- قاعدة الـ 80/20 :

قاعدة باريتو (Pareto) او قاعدة الـ80/20 تساعدك في الاستفادة من وقتك و تقول القاعدة: “80% من النتائج اللي تتحصل عليها هي ناتجة عن 20% من الأشغال التي قمت بها”.

لو نشوف القاعدة من زاوية ثانية نجد ان 80% من الشغل اللي انت قاعد تسويه ماله اهمية كبيرة لانه بس راح ينتج لك 20% من الناتج النهائي. وبكذا تقدر تعرف كيف تصرف وتوزع وقتك على الأشغال ولا تصرف وقت أكثر من اللازم على بعض هذي الأشغال. وبهذي الطريقة راح تقدر تسوي اشغال اكثر مما يعني انتاجية اكثر.

2- نظرية باركينسون (Parkinson’s Law):

هذي النظرية راح تساعدك في انك تنجز أعمالك بسرعة وتنص النظرية على : ” المهمة راح تزيد من صعوبتها وحجمها بناءا على الوقت اللي تعطيه لها”.

فمثلا لو قلت ان الشغلة هذي راح أخلصها في أسبوع، الشغلة راح تتمد وتعبي لك الاسبوع هذا بينما لو انك قلت راح أخلص الشغلة وبديت فيها.. انت بكذا بتجبر عقلك انه يركز على أنه ينجزها في أسرع وقت بدون ما تعطيه وقت معين وراح تلقى نفسك في الأخير خلصت المهمه في وقت أقصر. وطبعا هنا لو رجعنا لقاعدة الـ 80/20 والاسبوع اللي انت أعطيته للشغلة راح تحصل أن 80% من هذا الاسبوع ضايع في أشياء ما راح تعطيك في الأخير الا 20% من الناتج النهائي .

3- الربط :

(هذي من الاشياء اللي جدا اعجبتني وأفادتني) فيه بعض الاشغال المملة والروتينية واللي لازم تسويها وتلقاها دايم موجودة عندك فأحسن طريقة أنك تسوي هذي الأشياء هي انك تربطها ببعض بالتسلسل، يعني انك ترتبهم وحده بعدها الثانية، لان مشكلة هذي الاشغال هو متى تبدأهم؟ و انت تحتاج وقت كبير عشان تجبر نفسك انك تسويهم فلو بديت الأولى ولحقتها الثانية وبعدها الثالثة تلقى نفسك خلصتهم بسرعه، اما لو خليت كل وحده لحالها فكل وحده تتطلب وقت كبير عشان تبداها وهذا الوقت راح يكون موجود كل مرة تبغى تبداهم بس بطريقة ربط وقت نهاية الاولى ببداية الثانية وهكذا.. فالناتج النهائي حيكون وقت بداية واحد ونهاية واحد .

4- في البداية ابذل لكي تستطيع ان تجني وليس العكس :

هذا قد يكون شي عكس الطبيعة البشرية، دائما النفس البشرية تبغى تاخذ بدون ما تعطي على سبيل المثال الشخص يبغآ يكون مدير وله مكتب كبير ويستلم راتب كبير جدا وبدون ما يشتغل!!!

وهذي القاعدة تقول اذا تبي كل هذي الاشياء لازم تشتغل وتعطي عشان تاخذها..

5- اجعل اعمالك سابقة للأحداث وليست كردة فعل :

وهذه القاعدة لها علاقة باللي قبلها وهي انك تعمل للأحداث اللي تبغاه وتكون انت الشخص اللي يسوي اول خطوة عشان تحقق اللي تبغاه وما تكون تتنظر احد يقدم لك الطريق او الخطوات اللي تحتاجها عشان تحقق أهدافك.

وهذي ملاحظة جت على بالي في يوم من الأيام.. تخيلوا لو أننا لسنا مسلمين ولا عندنا ايمان بالقضاء والقدر كان ما تحصل شخص يقول “بيجيني كذا انشالله” .. “متى ما أمرني الله” .. “ربي بيرزقني” .. بالعكس بتلقى عندنا عمل وعمل عشان نحصل الناتج في النهاية ولكن للاسف اننا نؤمن بالقضاء والقدر على أساس انه بيخلي الاشياء تصير بدون أي مجهود.

6- الأخطاء والفشل مفيدان :

لما كنا صغار كنا نجرب الاشياء واذا اخطاءنا تعلمنا من اخطاءنا، بس لما كبرنا علمونا الناس اننا لازم ما نسوي أخطاء وبكذا صرنا ما نحاول نسوي اي حاجه.. وبكذا نصير اشخاص تفاعليين وما نكون مستبقين للأحداث يعني ننتظر أحد يوجهنا عشان نبدا في أي شغل نبغى نسويه. وغالبا ما يكون النجاح في الحياة من اننا نكون مُصرين وغير مستسلمين للفشل اللي ممكن يصير او الاخطاء. وكلنا نتذكر لما كنا صغار وكنا نتعلم كيف نركب السيكل كنا بعد كل سقوط او فشل نرجع باصرار اكبر عشان نعرف كيف نركبها.. فلو كل واحد فينا يرجع هذاك الطفل صاحب الـ6 سنوات وتكون كل أعماله زي ركوب السيكل.

7- لا تحطم نفسك :

أغلب الناس اللي يفشلون ولا يكملون أعمالهم يكون السبب هو تحطيمهم لأنفسهم، فهم يزيدون آلامهم ويضيعون وقتهم بعملهم هذا. فلو أنك بدل ما تجلس تلوم نفسك وتعذبها على هالفشل.. تقوم وتشوف وين الاخطاء اللي سببت الفشل وتتعلم منها وترجع باصرار عشان تنجح في عملك هذا .

8- افترض وجود علاقة :

دائما ما نواجه مشاكل في اللقاءات الأول مع الناس ودائما ما نكون في مواقف لا نحسد عليها.. واحسن طريقة عشان نطلع من هالمواقف هي انك تفترض وجود علاقة بينك وبين الشخص اللي قدامك وانك تتعامل معه كواحد من أعز أصدقائك وبعد هذا راح تبدا بالكلام معه في النطاق هذا اللي انت تكون مرتاح فيه (نطاق الاصدقاء) بدلا من نطاق التوتر بانك مقابل شخص غريب.

9- الاستفادة من النظام الشبكي التفاعلي (RAS) :

هو نظام في مخ الانسان يجلب لانتبهاك الاشياء المتعلقة بك او بتكيزك فمثلا لو كنت في مطار وفيه ازعاج كبير المسافرين وعمال واطفال ويجي اعلان داخلي لو كان هذا الاعلان مافيه اسمك او رحلتك ما راح تتذكر ايش كان فيه بس لما يكون هذا الاعلان فيه معلومة اوشي انت تبغاه تحصل ان هذا النظام ينبهك عليه. فهذا نظام يعمل بين حالة الوعي و واللاوعي، ويقوم بتمرير المعلومات بينهم فهو يرسل من حالة الوعي بان ينتبه لجميع التنبيهات في العالم المحيط فيك ويرسلها لحالة الوعي. وبما أن هذا النظام المتكامل عندنا ليه ما نستفيد منه. والنظام هذا بطريقة عمله راح يساعدك على انك تحصل الاشياء اللي تبغاها في العالم المحيط فيك بتركيز تفكيرك عليها. يعني لازم تركز على الاشياء اللي انت تبغاها وتبعد تفكيرك وتركيزك عن الأشياء اللي ما تبغاها. يعني لاتكون متشائم.. لا تفكر في أن دائما الأشياء السيئة راح تصير لك لانك لو ركزت تفكيرك عليها راح فعلا تصير !! يعني ان نظامك راح ينبهك بها لان تركيزك عليها. (تفائلوا بالخير تجدوه)

10- سلوكك يحدد واقعك :

سبق لنا وان سمعنا انه لازم تغير سلوكك او ان تعدل من سلوكك وهذي نصيحة جيدة اذا كان معه اسباب اخرى لان النصيحة هذي بدون اي اسباب ما تعني لنا الكثير وبكل بساطة راح نحطها على جنب ونكمل اللي انا عليه من سلوك.

لم تغير سلوكك لسلوك ايجابي وتفكير ايجابي راح يتغي واقعك، راح تبدأ تشوف الأشياء بطريقة أول مره تنتبه لها وبتقول في نفسك ليه ما كنت اشوفها كذا من الاول، مع انها كانت موجوده قدامك طول الوقت. وتذكر هذه المقولة “التشاؤم قد يبدو لك كواقع”. فاذا تبغى تغير واقعك فلازم تبدأ بتغير سلوكك بدلا من التفكير في تغييره بس. (هذي النقطة تجمع بين النقطة السابقة “النظام الشبكي التفاعلي” و ” اجعل اعمالك سابقة للأحداث وليست كردة فعل”).

11- كن شاكرا تكن سعيدا :

فعلا لما تكون في حالة سيئة وتبغى تغير هذي الحالة كن شاكرا لله على الاشياء السعيدة يعني ابدأ فكر بالاشياء اللي خلتك سعيد الاشياء اللي حصلت لك او المواقف او الذكريات السعيدة وانا اضمن لك انها راح تغير حالتك من سلبية الى ايجابية. (هذا من الأشياء اللي فعلا اشوفها مفيدة جدا)

12- لا تقارن نفسك بالآخرين :

دائما النفس البشرية تحب تقارن نفسه بالناس وهي تحاول انها تحصل شي تسعد نفسها فيه وغالبا ماتتؤدي الطريقة هذي الى ان النفس تبدأ تقارن اللي عندها بالناس الثانية وهنا يكون الخطأ لانك راح تقارن نفسك باللي اقل منك واللي اكثر منك وفي الاخير ماراح تستفيد شي لانك بتكون اقل من الناس اللي قارنت نفسك بهم ولاكن لو قارنت نفسك ينفسك قبل فترة قبل ماكنت تملك ماهو عندك الان من ممتلكات او مهارات وهنا تقدر تعرف ايش انجزت و حققت في حياتك.

13- 80-90% من ما تخشى أن يحدث، لن يحدث :

تلاحظ انك تقلق بأشياء انها راح تصير وتضيع وقتك في القلق والتفكير فيها وفي النهاية ما تصير هذي الاشياء او اذا صارت ما تكون بنفس السوء اللي كنت انت متخيلها بتكون عليه.

14- لا تأخذ الأمور بجدية عالية :

فيه بعض ناخذها بجدية وهي في الحقيقة ما تستاهل، تكون بسيطة يعني بعد كم سنة ما تلقى نفسك تتذكرها حتى، ففي هذي الامور حاول تاخذها ببساطة لان البساطة راح تعطيك مجال أكبر للابداع.

15- دوّن كل شيء :

دائما الافكار الجيدة والابداعية تأتي في لحظات غير متوقعة فاجعلها عادة ان تكتب كل الافكار اللي تخطر في بالك والطريقة هذي راح تساعدك بانك تركز على اللي تبغاه.

16- غالبا ما تكون هناك فرص في جميع تجاربنا :

في جميع خبراتنا وخاصة السلبية منها تكون هناك فرص.. فلو كان هناك تجربة ايجابية كاملة تكون هذي التجربة ما اضافت لك اي شي جديد ولكن لو كانت هذي التجربة فيها سلبيات فلازم نتعلم من هالسلبيات عشان تضيف لنا فائدة. فكل ما تمر عليك تجربة سلبية داما فكر وين ممكن اتعلم منها؟

CountryInfo

ونبغى نسوي cluster index  على  (Country, Region, City) .
طبعا اول ما تسوي table  وتخلي الـ ID as Primary Key  راح هو يسوي cluster index  عليه ولو شلت cluster index راح يسبب لك ضعف في الربط بينه وبين أي table  يستخدم الـID as Foreign Key  يعني حيكون بهالشكل:

فهذي طريقة حصلتهت انشالله تفيدكم
الطريقة سهلة وبسيطة الان لما تسوي cluster index  يقوم DBMS  بحفظ الملفات على هذا الاساس ويكون الدخول لها تسلسلي واحنا في الطرقة هذي راح نحتفظ بالـ Primary Key as clustered index  وراح نضيف index  جديد على الـFields  اللي نبغى نسوي عليها cluster index  وبكذا راح يحفظ لنا ملفات خاصة بهذا الـ index  تسهل عملية البحث و الدخول لها.  وهذا هو الـScript  عشان نسوي الـ index:

CREATE INDEX idx_PseudoClust ON CountryInfo(Country, Region, City)

GO

انا راح اتكلم عن موقفين صاروا لي في الدوام وتجربه شخصية واتمنى ان نستفيد منها..

في يوم كنت قاعد اسوي Test لاحد البرامج (اختبار) وكانت مشكلة شوي صعبة فرحت وسويت لي كوفي وجلست اشوف حل لها… وانا قاعد اقرا في الكود حق لمشكلة حصلة الحل اللي كان معطلني يمكن ليوم او اكثر ومن الفرحة رحت باخذف هذي المشكلة.. وتضرب يدي كاس القهوة وينكب على ملابسي….

ولكم ان تتخيلون شكلي وريحتي اللي صارت كلها قهوة…

طيب في مثل هذي الحالة وش اسوي؟؟ هل اعاتب القهوة والا اعاتب نفسي والا المشكلة اللي سببت لي هذا والا الملقوف اللي قدامي وقام يقول لي يووووه وش سويت؟؟ والا ارجع للبيت واغير ملابسي؟؟ بس البيت بعيد عن الشركة؟؟

انا تذكرت في هذي اللحظة القاعدة المشهورة 80/20 وقلت لي اخرب يومي ونفسيتي فاول شي سويته حاولت ابعد تركيزي عن قصة القهوة اللي مغطية المكتب واركز على أشياء ثانية ايجابية والحمد لله كانت متوفرة وهي اني حليت المشكلة.. نظفت المطتب وناديت العامل ينظفه وجبيت عطر ورشيته ورجعت اكمل يومي طبيعي.. واهم شي انه كلما حاولت ارجع واتذكر القصة احول اغير تركيزي على أشياء ايجابية صارت لي والحمد لله عدا اليوم على خير..

الحالة الثانية صاحبي الملقوف اللي في المكتب بعد يومين انكب كاس قهوة على مكتبه هو طبعا ما تذكر قاعدة 80/20 :D زيي .. قعد يقولي مجيد صار لي زي اللي صار لك؟!! وكل شوي يقول يالله وش اسوي ريحتي قهوة.. المكتب وصخ.. ما راح اشرب قهوة بعد اليوم.. وم الى ذلك لدرجة انه ما كمل دوامه ومشى للبيت..

فكل اللي حبيت اوضحه ان لما يصير لك اي موقف سلبي انت امام خيارين وانت تقدر تختار.. يا تعيش في هذي الحالة السلبية وتخلي كل تفكيرك فيها او انك تطلع منها وتفكر في حلول سريعة وتنتظر النتائج..

واخيرا.. من الغباء انه يصير لك موقف سلبي وما تطلع منه بفايدة… فمثلا انا ما صرت احط الكوفي جنب الكيبوورد وانا جالس على الكومبيوتر

في البداية من صفحة الفايرفوكس راح نسوي مؤشر(مفضلة-Bookmark) عن طريق المفضلات اللي في القائمة (Bookmarks Menu)
بعدين ندخل على ترتيب المؤشرات(Organize Bookmarks)
بعد كذا نضغط زر يمين على قائمة المؤشرات(Bookmarks Menu) ونختار اضافة مؤشر جدسد(New Bookmark)
الان نقوم ونعبي النافذة طبعا راح اخذ مثال لو كنا نبغى ملفات PDF
الاسم(Name): اختر الاسم اللي تبيه يكون للمؤشر(Bookmark) مثلا PDF Finder
الموقع(Location): نسوي نسخ-لصق للرابط

http://www.google.co.in/search?hl=en&q=intitle%3A%22index.of%22+%28pdf%29+%s+-html+-htm+-php+-jsp&btnG=Google+Search&meta=

الاختصار (Keyword): نكتب Book
هذي هي المعلومات الاساسية الان احفظها وبعدين افتح صفحة جديدة واكتب book (اسم الكتاب او الملف اللي تبغاه بصيغة PDF) وراح تطلع لك روابط افتحها وبعدين بتشوف الملفات اللي مخزنة في الموقع بالصيغة اللي تبيها اضغط عليها وحملها
طبعا هذا واحد من استخدامات هذي الطريقة وهو للبحث عن ملفات الـPDF طبعا تقدر تسوي بحث عن صيغ غيرها كل اللي عليك انك تغير PDF وتحط الصيغة اللي تبيها من الرابط الموجود في الموقع .

بصراحة اعجبتني وقلت نخلي الفايدة تعم

منذ قديم الزمان كان والبشر يبحثون عن طريقة لمعرفة المستقبل وما هو قادم لهم، فكان أغلبيتهم يعتمدون على الكهنة والدجالين لمعرفة ذلك المستقبل. وعلى عكس ذلك، كان الوسط العلمي يعتمد على التنبؤ العلمي؛ وهو أسلوب إحصائي (رياضي) يتخذه المحللون لاستقراء المستقبل بأكثر دقة ممكنة على افتراض أن المستقبل سيمثل امتداداً لأحداث الماضي.(مرجع 1) وتعد الدراسات المستقبلية إحدى الطرق للتنبؤ العلمي. فلقد نشأت هذه الدراسات بعد الحرب العالمية الثانية، و كان سبب نشأتها هو التعرف على المستقبل وتجنب ما قد يشمل من حروب، ويجب أن تكون هذه الدراسات مرتكزة على واقع الحركة السياسية، الاقتصادية والإستراتيجية في خلال فترة سابقة. ففي عام 1962، شهد علم المستقبليات طفرة كبيرة. حيث تحفز العلماء إلى التعمق في الدراسات الإستراتيجية لمعرفة ما قد يواجههم من أزمات وكيفية مواجهتها بالإمكانيات المتاحة و ما إذا دعت الحاجة إلى استدعاء إمكانيات إضافية. وفي ذلك الوقت بدأ الاعتماد على حسابات دقيقة في مجال العمل المستقبلي والوصول إلى معرفة طريقة بناء المستقبليات البديلة المحتملة وارتباطها بعمليات التخطيط الاستراتيجي طويل المدى وتصور الأزمات من خلالها.(مرجع 2)

2.     الامتداد الزمني للبحث المستقبلي

في الستينات كانت الدراسة المستقبلية ممكن أن تبنى لعشرين أو ثلاثين سنة والملاحظ في السنوات الأخيرة أن هذه المدة بدأت بالتقلص لسرعة حصول التغيرات والتقلبات فيصعب على الناس صنع هذه الدراسات لمدة خمس سنوات قادمة. فمن الممكن أن تكون الأبعاد لديك على مدة عشر أو عشرين سنة ولكن الخمس سنوات التي أمامك هي التي يمكن التخطيط لها. (مرجع 4)

3.     مبادئ الدراسات المستقبلية

‌أ.    دراسة التاريخ: والتعمق فيه والاستفادة منه، وكذلك دراسة جميع المتغيرات المحيطة ومدى تأثيرها، ومعرفة ماهي الفرص المتاحة والقيود المفروضة والتهديدات والأخطار الناتجة من تلك المتغيرات.

‌ب.  تصور المستقبل: وضع صورة للمستقبل خلال العقدين أو الثلاثة عقود المقبلة. باستخدام جميع النماذج الرياضية المتاحة مع توضيح الأهداف والغايات وتفصيلها ما أمكن.

‌ج.   عدم التحيز: فبالاعتماد على المسلمات والفرضيات التي تلاقي قبولاً في مختلف الاتجاهات العلمية و الفكرية والعقائدية والتكنولوجية.

‌د.    توضيح القدرات المطلوبة لانجاز كل مسار مستقبلي: بتحديد جميع مايلزم للارتقاء بالمسار المستقبلي من آليات، وبتوضيح الأخطار والنفقات اللازمة.

‌ه.      الارتكاز على عوامل التطور في المجالات المختلفة بما يحقق الأهداف والغايات القومية تحقيقا فاعلا.

‌و.   الاعتماد على سيناريوهات مختلفة تشمل جميع الاحتمالات الممكنة. يستفيد منها صانع القرار بناءاً على الأزمة المستقبلية.

هذه المبادئ تساهم في تحديد أي نمط من أنماط الدراسات المستقبلية التي سوف تذكر لاحقاً. (مرجع 2)

4.     أنماط الدراسات المستقبلية

‌أ.        النمط الحدسي (Intuitive)

يعتمد كليا على خبرة المرء الخاصة ويفتقد للمعلومات والبيانات.

‌ب.    النمط الاستطلاعي (Exploratory)

وهو استقراء المستقبل المحتمل أو الممكن تحقيقه من خلال نموذج واضح للعلاقات والتشابكات.

‌ج.      النمط الاستهدافي أو المعياري (Normative)

وهو تطورا للنمط الحدسي يحث يستفاد من جميع ما هو جديد في العلوم التطبيقية والرياضية.

‌د.       نمط المعطيات العكسية للاتساقات الكلية (Feedback Models)

هذا النمط يجمع بين النمطيين السابقين في شكل تغذية عكسية بين تفاعلاتهما. فهو لا يهمل الماضي ولا يتجاهل الأسباب التي من الممكن أن تغير مسار المستقبل. كما يجمع بين البحوث الاستطلاعية، التي تعتمد على بيانات وحقائق موضوعية، والبحوث اللامعيارية، التي تهتم بالقدرات الإبداعية، والتخيل والاستبصار. (مرجع 2)

طرق استقراء المسقبل

عند التنبؤ أو عند الإرادة لمعرفة ما يخبئه المستقبل هناك عدة طرق علمية لفعل ذلك ومنها:

1.     طريقة دلفي (Delphi)

تعتمد هذه الطريقة على اختيار عدة خبراء في موضوع معين، ومن ثم يتم توزيع استبيان على كل خبير على حدة، وبعد ذلك يتم جمع جميع الاستبيانات وترتيب المعلومات المأخوذة منها ومن ثم يقوم شخص بطلب إعادة الإجابة على الاستبيان من قبل الخبراء بعد إطلاعهم على جميع الإجابات من جميع الخبراء فقد يساعد هذا على تحسن في الإجابات. و من الممكن أن تكرر هذه طريقة أكثر من مره على حسب الحاجة.

2.     الطريقة الانتكاسية (Backcasting)

وهي طريقة بتصور المستقبل المراد ومن ثم العمل في طريقة عكسية للوصول إلى الوضع الحالي(opposite of Forecasting). والسؤال المهم في هذه الطريقة هو “إذا أردت أن أحقق هدفاً معييناً، ماهي الأفعال التي يجب أن أقوم بها لأصل لذلك الهدف؟”.

3.     طرق السيناريوهات

تعد السيناريوهات من أكثر التقنيات المستخدمة في الدراسات المستقبلية. وهي طريقة تستخدم لوضع خطط مستقبلية طويلة. وسوف يتم شرحها لاحقاً. (مرجع 3)

طريقة السيناريوهات

1.     ماهي السيناريوهات وكيف تعمل

السيناريوهات المستقبلية تقوم بعرض عدد من الاحتمالات الممكنة لتطور قضية معينة مع توضيح المسارات والنتائج الممكنة من كل سيناريو ومن ثم يمكن وضع السياسة المناسبة لذلك السيناريو. وهذه الاحتمالات تكون مبنية علي بيانات وأراء عدة خبراء في موضوع معين. وقد يتم أحياناً وضع السيناريوهات لوضع مستقبلي مرغوب فيه ومن ثم وضع توصيات واقتراحات لصناع القرار للمساهمة للوصول إلى ذلك الوضع. (مرجع 1)

2.     طرق بناء السيناريوهات

‌أ.        الطريقة الحدسية (اللانظامية)

وهي طريقة إبداعية غير شائعة تعتمد على الحدس والتفكير الكيفي. ويفضل غالباً إحدى الطرق التالية المعتمدة على الحسابات الرياضية والنماذج إلى جانب التصور الحدسي.

‌ب.    الطريقة النظامية (النموذجية)

تعتمد هذه الطريقة على العمليات الحسابية عامة والنماذج خاصة. فبإمكانها التعامل مع عدد كبير من المتغيرات و تنسيق سلوكها وحساب نتائج الخيارات المختلفة وما يصاحبها من نفقات ومنافع. والسيناريو بهذه الطريقة يعرف بأنه :”المنتج النهائي للدراسة المستقبلية” أو “السيناريو الخططي”. ويعيب هذه الطريقة أنها تعد آلية بحتة حيث يجب توفر الشروط الابتدائية للسيناريو وعوامل الحدس والتخيل، إلى جانب المعلومات والوقائع النظرية حتى يستكمل بناء السيناريو كماً وكيفاً.

‌ج.      الطريقة التفاعلية (بين الحدسية والنظامية)

وهي طريقة تمكنت من جمع ما هو مميز في الطريقتين السابقتين، حيث تمكنت من جمع الحدس والخيال من الطريقة الحدسية، والأساليب الكمية من الطريقة النموذجية باستخدام أسلوب المحاكاة. وتعد هذه الطريقة الأكثر شيوعاُ في صناعة السيناريوهات. (مرجع 2)

3.     الفريق المخصص لبناء السيناريوهات

لبناء سيناريو يحتاج إلى عدة خبراء موزعين على مجموعة متخصصة في مجال معين. وبناء على طريقة صنع السيناريوهات بالطريقة التفاعلية فإن هذه المجوعات تكون على النحو التالي:

• المجموعة الأولى: وهي المجموعة المركزية المكونة من خبراء مسؤولين عن وضع السيناريوهات وصياغتها الأولية.
• المجموعة الثانية: عبارة عن خبراء ومستشارين معنيين بفحص السيناريوهات الموضوعة بصياغتها الأولية وإجراء القياسات ووضع النماذج لها ومناقشتها مع الجماعة الأولى واستخراج نقاط القوة والضعف فيها. ومن ثم وضع السيناريوهات في صياغتها الأخيرة.
• المجموعة الثالثة: وهي المجموعة الاستشارية والتي تضم مفكرين و خبراء و ممثلي القوى السياسية والشعبية، وهي المسؤولة عن إقرار السيناريوهات بشكلها النهائي. (مرجع 2)

4.     طريقة بناء السيناريو من قبل الفريق المخصص

1)     الخطوة الأولى: وصف الوضع الراهن والاتجاهات العامة للسيناريو

يقوم الفريق المركزي بوضع الصياغة الأولى للسيناريو باستخدام الطريقة الحدسية ودراسة الوضع الراهن وذلك لـ:

‌أ.        عرض العوامل الأساسية في الوضع الراهن وبيان نقاط القوة والضعف في كل عامل.

‌ب.    استخلاص القضايا الرئيسية التي يجب مناقشتها وإيجاد الحلول لها.

2)     الخطوة الثانية:فهم ديناميكية النسق والقوى المحركة له

ويقوم بهذه الخطوة الفريق المركزي ومن ثم يتم تأكيدها من قبل الفريق الفني، وتهدف إلى اكتشاف المؤثرات على المسار والقوى المحركة للسيناريو وتحديد نقاط التحول على المسار واتخاذ الإجراءات المناسبة لذلك من الآن أو إيجاد سيناريوهات أخرى. ففي هذه الخطوة يمكن الاستعانة بمصفوفات رئيسية وأخرى فرعية لتحديد ديناميكية النسق والقوى المحرجة له، وتمكن هذه المصفوفات من توضيح:

‌أ.        المجالات ذات التأثير القوي على غيرها مع ضعف أو انعدام تأثير غيرها عليها. وتسمى هذه المجالات بالعوامل النشطة أو القوى المحركة للنسق.

‌ب.    المجالات التي تتأثر بغيرها وتؤثر في غيرها تأثيراً قوياً.

‌ج.      المجالات التي تتأثر بغيرها تأثيراً قوياً ولكن تأثيرها على غيرها يعتبر محدوداً.

‌د.       المجالات ذات التأثير الضعيف على غيرها وتأثير غيرها عليها.

ويتميز هذا التحليل بوضع تسلسلاً للمسارات السيناريو بمنهجية واضحة المعالم.

3)     الخطوة الثالثة: تحديد الخيارات والسيناريوهات البديلة

وتقوم الجماعتان المركزية والفنية بحصر الخيارات الممكنة بالنسبة إلى العوامل المختلفة في كل مجال من مجالات التأثير التي سبق دراستها في الخطوة السابقة.

4)     الخطوة الرابعة: فرز السيناريوهات البديلة واختيار عدد محدود منها

وفي هذه الخطوة تشترك الثلاث مجموعات (المركزية، الفنية، الاستشارية) بهدف تقليص عدد السيناريوهات بناءاً على:

‌أ.        أن تكون السيناريوهات المختارة ممكنة.

‌ب.    أن تكون السيناريوهات المختارة مختلفة عن بعضها اختلافاً واضحاً.

‌ج.      أن يكون كل سيناريو يتبع تسلسل منطقي في ذاته.

وتوجد هناك طريقتان لعملية التقليص:

• الأولى: وتعتمد على الحدس والخيال والمناقشة، حيث يتم استبعاد السيناريوهات غير المتسقة والمتشابهة.
• الثانية: تعتمد على إجراء “تحليل متسق” Consistency Analysis حيث يتم استخدام جداول توضح بداخلها العوامل الشارحة للمجال التي قد يأخذها أي عامل ومدى تأثيرها في المستقبل.

5)     الخطوة الخامسة: كتابة السيناريوهات المختارة

ولهذه الخطوة تقوم لجنة البناء الكامل للسيناريو بعمل التالي:

‌أ.        سرد جميع المدخلات للسيناريو وإضافة تفاصيل أو دمج تطورات مستقبلية أخرى في ذلك السيناريو.

‌ب.    التعرف على جميع ردود الأفعال من الأطراف المتعلقة بهذه السيناريوهات.

‌ج.      كتابة السيناريو كتابة تفصيلية تشمل شروطه الابتدائية، المسار الذي سوف يسلكه وصولاً إلى نهايته المستقبلية.

6)     الخطوة السادسة: تحليل نتائج السيناريوهات

وهذه الخطوة تعتبر تحليلية بحتة حيث يتم استنباط القضايا الموضوعية أو المنهجية التي تجعل سيناريو مفضلا عن غيره ويكون هذا السيناريو هو الخطوة طويلة المدى التي يجب الالتزام بها.

غالباً ما تتبع هذه الخطوات بهذا التسلسل عند توفر الوقت والموارد وتفرغ اللجان لهذا الوقت. أما في حالة الافتقار إلى الوقت والإمكانيات نستطيع اختصار الخطوات واستخدام نتائج الخطوة الثانية والثالثة في بناء سيناريوهات بديلة سواءاً مع الاحتفاظ بالسيناريوهات الأصلية أو استبعاد بعضها. (مرجع 2)

الدراسات المستقبلية في  الوطن العربي الإسلامي

في عالمنا العربي الإسلامي بدأ الاهتمام بهذه الدراسات في الستينات، ولكن لم تبرز أية مشروعات كبيرة إلا بعد الثورة الإيرانية، بعد سنة 1979م، وبدأ مركز الوحدة العربية بمشروع استشراف لمستقبل الوطن العربي في بداية الثمانينات وأنهاه في عام 1988م. قام منتدى العالم الثالث في الشرق الأوسط بالقاهرة بدراسة مشروع سماه (مشروع المستقبلات البديلة)، وهو كذلك اهتم من ضمن ما اهتم ببعض القطاعات، منها الحركة التقدمية، الحركات الإسلامية، قضايا التنمية،وكذلك مشروع (استشراف الوطن العربي) اهتم بدول المغرب العربي، دول المشرق العربي، دول الخليج العربي، وبمحور المجتمع والدولة، وبمحور العالم العربي وعلاقته بالقوى الكبرى، و العالم العربي وعلاقته بالمحيط الجغرافي وخاصة إيران وتركيا، والعالم العربي والتنمية، وبدأت تبرز بعض الخبرات وبعض المنهجيات العربية. لكن بعد ذلك لا يوجد مثلا مشروع استشراف مستقبل العالم الإسلامي، رغم أن هناك منظمات مثل منظمة العالم الإسلامي، والمنظمة الإسلامية للتربية والثقافة والعلوم. فأول ما ينبغي أن يهتم بالدراسات المستقبلية هي المؤسسات الجامعية والمؤسسات العلمية، وأن يكون هناك محللون على مستوى القدرة والكفاءة، بحيث يقدمون نوع من التصور المرغوب فيه، والممكن تسويقه إلى رجال القرار، وهذا يحتاج إلى حرية، ويحتاج إلى نقد، ويحتاج إلى إبداع، فالمجتمعات المكبوتة لا تستطيع لأنه فيها عادة ما تستعمل سد الذرائع السياسية الفقهية الفكرية. فالعالم العربي ما زال في مؤسساته الجامعية، في مؤسساته صاحبة استصدار القرار لا يعتمد على التحاليل، ولهذا كلما يرتبط بالدراسات المستقبلية تجده ضعيفا، سواء في التحليل الاجتماعي، سواء في التمكن من معطيات حديثة، فلو بحثت على المعطيات الديموغرافية، تجدها تنتمي إلى فترة تجاوزت العشر سنوات، وكل ما يمكن أن تحصل عليه هو نوع من التقريب والتغليب لإحصائيات سابقة. (مرجع 4)

المراجع

أ‌.      مرجع 1

http://www.al-jazirah.com/355744/ec4d.htm

ب‌.  مرجع 2

http://www.moqatel.com/openshare/Behoth/Fenon-Elam/senarion2/index.htm

ت‌.  مرجع 3

http://en.wikipedia.org/wiki/Futures_studies#Futures_techniques

ث‌.  مرجع 4

http://www.aljazeera.net/Portal/Templates/Postings/PocketPcDetailedPage.aspx?PrintPage=True&GUID={BF3C0A4D-FC84-4B18-80D8-2FB066CFE72F

فمنها ماهو مفيد ورائع ومنها ماهو مخالف لعقيدتنا وتقاليدنا فامل ان نستفيد الاستفادة العظمى من هذا الكتاب

Browne, H Jackson -Life’s Little Instruction Book -I, II, III -Maxims Browne, H Jackson -Life’s Little Instruction Book -I, II, III -Maxims bogart63 Advice for Life. Three volumes of H.Jackson Brown’s nuggets of life advice sent to his son, Adam.